நூல் அறிமுகம் ! நாளுக்கொரு நல்ல பங்கு

ஆதியாகமத்திலிருந்து தின தியானங்கள்” என்னும் தலைப்பில் இந்தத் தியான வரிசையில் வெளியிடப்படுகிற முதல் நூல் இது. இந்த நூலில் ஆதியாகமப் புத்தகத்திலிருந்து 95 தியானங்கள் இடம் பெற்றுள்ளன. இந்தத் தியான நூலின் நோக்கம் எக்காலத்திலும் தலைசிறந்து விளங்குகிற புனித திருமறையின் மகத்துவத்தை விசுவாச மக்களுக்கு விளங்கச் செய்வதும், அதுகூறும் நபர்கள், விவரிக்கும் நிகழ்வுகள் ஆகியவற்றிலிருந்து பெறப்படும் படிப்பினைகளை தற்கால வாழ்க்கையுடன் பொருத்தி, புதிய ஏற்பாட்டின் வெளிச்சத்தில் ஆலோசனைகளை அருளி அவர்களை நல்லதொரு கிறிஸ்தவ வாழ்க்கை வாழ உற்சாகப்படுத்துவதே ஆகும்.